قراءه في شخصيات مسلسل كوزاي جوناي (الشم.ال والجنوب)

‏رأيي ان علاقه الابناء بابهاتهم وامهاتهم في المسلسل كانت السبب الرئيسي في تكوين شخصيات ابطالنا

سامي وهندان علاقه مفيهاش اي نوع من الاحترام كان دايما سامي بيعاملها زي البهيمه تحولت لهندان لشخصيه مشوهه شخصيه سيئه كانت النتيجه كل الحب اللي في قلبها ادته لجوناي

‏‏‏اهملت كوزاي وبقت بتعامله وحش علشان كانت شايفه الشبه بينه وبين ابوه سامي كوزاي بقي شخصيه مضطربه شخصيه متلخبطه بيخرج كل غيظه في حلبات الملاكمه ولما حب جيمري وراح يعترفلها اكتشف انها بتحب اخوه

‏كوزاي اتصدم لما الشرطه جت تعرف مين القاتل بعد الحادثه اللي حصلت اتصدم لما شاف هندان بتمنع جوناي المجرم الحقيقي جوناي شاب طموح وداخل الجامعه بانيه علي احلامها عكس كوزاي بتاع مشاكل

‏معرفتش تحتوي ولادها كنت بتغاظ اوي لما بتقول لجيمري فرقتي بين الاخوين ما انتي اللي فرقتي  بين ولادك وخلتي الاخين يكرههوا بعض بغض النظر عن انانيه جوناي

جوناي الحقيقه شخصيه صعبه محتاره فيها كرهته وانا بتفرج علي المسلسل لكن حاليا ممكن اكون متعاطفه معاه زي ما كوزاي ضحيه هندان‏ شايفه برضه ان جوناي ضحيه سامي  ودي النتيجه ان خلافات الزوج والزوجه ينتج عنها خلل في تربيه الابناء

‏نيجي عن شخصيات البنات الرئيسيه

جيمري زينب سيماي بانو

جيمري بنت كانت نتيجه علاقه غير شرعيه جولتان كانت جميله اوي وعرفت تصاحبها وتحتويها ومع ذلك تحس ان في حاجه ناقصه جيمري النموذج الانثوي لكوزاي لا زينب ولاسيماي عرفوا كوزاي زي ما جيمري فهمته وعرفته لانها كانت شايفه فيه نفسها

‏في الاول كانت فاكره انها بتحب جوناي رأيي من الاول انها بتحب كوزاي بس كميه المشاعر المتلخبطه جواها مقدرتش تفهمها

لما عرفت انها بتحب كوزاي بجد كانت فرصه ادامها انه ميروحش من ايدها لأنها فهمت حقيقه مشاعرها طبعا هي اتجوزت باريش علشان تغيظ كوزاي وبغض النظر ان باريش شخصيه مستفزه

‏لكن مكنتش المفروض تدخله وعامه باريش اكتشفت سوء نيته مشهد حواره مع امه بعد مااتجوز جيمري

في حاجه مش فاهمها داء السرقه عند جيمري سببه ايه وهل اتعالجت منه علشان موضحوش النقطه دي في المسلسل ليه جيمري كانت بتسرق وليه كانت بتتخلص من الحاجه بعد مابتطلع من المحل

‏زينب لحد دلوقتي مش فاهمه شخصيتها بسبب ان الكاتبه بوظتها

بنت ابوها وامها منفصلين سافرت بره تنجذب لكوزاي بشخصيته الغامضه

زينب كانت عاجبني في الجزء الاول ودايما اقول هي معملتش حاجه غلط بالعكس جايه شايفه اودامها اتنين بعاد

‏مع الاسف الشخصيه تبقي في منتهي السوء في الجزء التاني كانت ممكن تبعد  لما عرفت ان كوزاي وجيمري بيحبوا بعض

لكن النتيجه انها بقت في منتهي الانانيه وعايزه تدمر الاتنين اللي ضحكوا عليها علي حد وصفها

زينب مكانتش هتنفع لكوزاي كوزاي طفل جواه طفل عايز واحده تحتويه وتحافظ عليه

‏بس في نقطه ازاي ابو زينب هو مصور بسيط يسمحلها تسافر بره لوحدها هل دي من عادات الاتراك مش عارفه حقيقه

سيماي اغلس شخصيه شفتها شخصيه مستفزه اهل سايبنها ومش بيسألوا عليها بتكدب عليهم كانت النتيجه انها تبقي بالمنظر ده

سيماي عمرها ما حبت كوزاي واول فرصه سلمته لفرحات

‏كوزاي كان شهم معاها واتجوزها بعد ما ابوها جتله سكته قلبيه ومات لكن النتيجه انها طعنت كوزاي في ظهره كوزاي اعتبر نفسه المسئول عنها لكن كل مره بتغدر بيه

كنت مستنيه نهايه تكون احسن من كده تشفي غليلي منها لكن مع الاسف سيماي فضلت متمسكه برقبه كوزاي حتي النفس الاخير

‏بانو

بنت غنيه مدلله واضح انها متوفرلها كل حاجه اي حاجه لازم تاخدها امها سابت البيت بسبب علاقات جوزها بالخدم عرفت ان ابن الخادمه اللي بتحبوا اخوها

طبيعي تبقي مريضه نفسيا حاولت تحرق البيت لأنها اتصدمت ونتج تشوه في شخصيتها

بانو كانت بتحب جوناي فعلا بس حب ممزوج بالانانيه

‏حب مدمر كانت مستعده تعمل اي حاجه علشان يبقي ليها

وجوناي برضه كانت بانو بالنسبه له البيضه اللي بتبيض دهب في اول فرصه اتخلي عن جيمري

.بانو كانت مستعده انها تعيش مع جوناي حياه سعيده لكن مع الاسف جوناي بانانيته وحقده لاخوه دمرها

‏نهايه بانو مكنتش متوقعاها الشخصيه القويه في الاخر تتدمر بشكل ده وتبقي شخصيه مريضه جسد بلاروح

كنت اتمني ان بانو تتعالج وتطلق من جوناي وتقف علي رجليها بمساعده امها وبوراك بس طبعا الكاتبات ليهم رأي تاني ولازم اي حد دمره الحب ينتحر في الاخر😒😒

والي اللقاء في مقاله اخري عن المسلسل ❤❤❤❤❤

‎